كنت ماشى فى الطريق وبقول موال
بقول يا عين يا لليل وفجاة لا قيت
ا تنين بيقولولى انت اية اللى خلاك
تجيب سيرة اخوتنا انت تعرفهم منين
قولتهم مين اخواتكم قالو عين وليل
انت يومك مش معدى الطار ولا العار
واللى طلع سلاح واللى بالة مش مرتاح
وانا واقف مش عارف حاجة وساكت وشاف
اتصلات وعمال اسمع فى كلام معناة انا
كدة ميت واللة يرحمنى وشوية وجت عربية
واللى فيها بصلى وقال انت اللى اتكلمت فى
حق العائلة انت اللى جيبت سيرة اشرف ناس
وراح مشاور بايدة وقال هاتوة لاقيت الدنيا مبقتش
دنيا بقت اخرة والناس كتير وكلهم بيقولو حنحارب
حنحارب واللى ماسك شومة واللى ماسك طبنجة
وشالونى هيلا بيلا وعلى العربية والرجل الكبير
بتعهم بيقول اطمن يا كبير شرف العائلة حير جع يعنى حيرجع ولو بالدم احنا مسكنا الداعر الماجن
وحنقطع لسانة من لغلوغة وفى ميدان عام عشان
يبقى عبرة وخدونى وروحنا مكان غريب مش لاقى
فى حبيب وجه كبير زمارة ودى قرية مشهورة
واول ما دخل 12 واحد قعدوا يزمرو كل واحدعشر
زمارات ويقولو يا كبير يا كبير طبل وزمامير وراح مشاور
بايدة وكلة سكت وقعد على كرسى كبير زمارة
والكرسى كان شكل المزمار ومكتوب على ايد ليل
والايد التانية عين والكبير نادى على واحدوقال
يا ربابة قالة ايوة يا كبير اقراء علية الحكم راح مطلع
عريضة كبيرة وقال ايها المجتمعون هذا المجون
تعدى على شرفنا المصون والذى جاء بالمضمون
قال يا عين يا ليل ولاقيت كل الموجودين بيقولو
الموت الموت القتل القتل اعدموة اطعوة اشنقوة
والكبير راح رافع حواجبة كل الموجودين سكتو مرة
واحدة وراح منادى عليا روحت رايحلة وقالى
اية ردك فى اللى منسوب اليك قولت انا قالى انت
كدة بتعترف قولت انا لسة ما قولتش حاجة قالى
احب فيك شجعتك وقام وقال الحكم بعد الزمارة
وشوية وسمعت زمارة كبيرة وجة الكبير وقال الحكم
والحكم كان زى ما قال وقال
حكمت المنفخة حضوريا على المتهم بالنفح لمدة
5 سنوات فى العين وطول الليل نفخت المحكمة
وفجاة دخلو اتنين وقالو انت تانى يا زمارة عمال
تطلع من المستشفى بالليل وتجيب ناس غريبة
معاك وتسهر كل مجانين المستشفى انت حتتط
فى عنبر فرادانى عشان متخرجش تانى وانت
قولت انا قالو اة امشى من هنا ومنشوفش
خلقتك تانى فاهم اجرى لسة بجرى قالو اسمع
قولت نعم قالو زمر مرة واحدة لاقيت اخويا بيقولى
قوم حتتاخر على الشغل وجعت دماغى طول الليل
عمال تزمر وانت نايم وجعت دماغى اقوم يلا
وقومت وانا مش فاهم حاجة فى حد منكم فهم
حاجة اللى يفهم يبقى يجيلى فى الحلم بالليل
ويبقى يقولى اشكركم على حسن الاستماع
مـــــشـــــــــــكــــــــــــــــــــوريــــــــ ــــــــــن
دخول 
