اولا :
تعريف الشاب السيس :-
هو الشاب الذى ( يسايس اموره ) مع خلق الله بطريقته الخاصة اى انه يأخذ ما
يريد برضا تام من الطرف الاخر . ويكون الشاب السيس ايضا عايش حياته (
مقضيها ) بالطول والعرض وبيسايس اى حد يشوفه ف وشه وهذه بعض امثلة على
الجمل العبقرية التى يستخدمها الشاب السيس فى حواره مع الاخرين
( هاى يا جماعة عاملين ازاى يارب تكونوا كوووول وحشتونى طحن اشطات موت
عليكو وعلى الحركة التوب دى وشوفوا القطة الجامدة اللى معدية دى - المزة
يعنى - جااااااااااامدة اخر حاجة واستيلها جامد انا هروح اظبطها
..................... الخ الخ الخ الخ الخ )


مواصفات الشاب السيس :
1- ملابس واسعة طحن .. قصدى واسعة جدا وبنطلون اوسع من التى شيرت واطلاق
اللحية والشعر وعدم تسريح الشعر ومن شروط اللبس ان يكون البنطلون (
سااااااااااااقط ) ويكون البوكسر ظاهر وواضح تماما للمارة جميعا ولاد
كانوا او بنات


2- لبس عدد لا بأس به من حظاظات وانسيالات وسلاسل ومفيش مانع لو كان فيه
حلق قى ودن واحدة - عشان فى الودنين الاتنين كده مش موضه خليك ذكى عشان
تتعلم - وياسلام لو فى تاتو ( وشم ) على جسمك ويكون كبييييييييييير واجمد
مكان له يكون على الظهر ويكون بحجم الظهر كله ( عشان يبان لما يوطى يجيب
حاجة وقعت منه على الارض خليك حدق )


3- تدخين الحشيش او الافيون بس بلاش بانجو عشان بتقلب حمورية ولا مانع من
تناول بعض من الكيمياء اى الحبوب المخدرة مثل trama - sr و amadole ولا
ننسى ultradoleوالتى تسمى تجاريا بأسم بلاطة ولو معاك نص برشامة تقول
معايا نص بلاطة ( عشان بتعمل دماغ أرض أرض )



4- مصاحبة بنت جامدة اخر حاجة وتكون سيس برضه ومقضياها ويبقوا هما الاتنين ماشيين ( يعوثوا فى الارض فسادا )



5- عدم سمعان كلام اى حد ينصحه واللى ينصحه ويقوله اشتغل او اسمع كلام
اهلك يقول عليه متخلف ورجعى ومش كووووووووووووول خالص ويروح رازعه واحدة
من بتوع اتش دبووووووووور A...A طبعا عارفينها
6- الالتزام فى مواعيده خارج المنزل ايام الامتحانات يعود الساعة الثالثة
فجرا او الرابعة - على حسب القعدة ما تخلص وكده هو رجع بدرى طبعا -


وفى نهاية المحاضرة اتمنى ان اكون قد وفقت فى شرح
مكونات هذا المخلوق الغريب الذى يدعى ( الشاب السيس ) والى اللقاء فى
محاضرات اخرى ان شاء الله