فنجان قهوة كتبت عن شكاويه
عن كيس ضغير مقفول ومخبيه
محدش يفتحه الا لو عايزه
لكنى بفتحه علطول..يمكن اكون بواسيه
.......... وقهوة
فى وسط ناس خرص كنت حزين
عمال اقول اشعار والخرص مش فاهمين
ودعيت ربى يا رب ابقى اخرص
لقيت كل الخرص قالوا امين
............. وقهوة
بصيت يوم على الغيطان كلها
لقيت كل الغيطان زى بعضها
قربت منهم لقتهم مختلفين
عرفت انى من بعيد ما شفتها
............... وقهوة
فى بلدنا كل الشوراع ضلمة
ومفيش غير عمود منور فى الضلمة
فجأة العمود انطفى
ولو انطفى ازاى نعيش فى الضلمة
........ وقهوة
الشاى لذيذ مع النعناع
دورت ياما لقيت القلب ما ينباع
وقف المحبين كلهم مرة
فى سوق قلوب ولا حد فيهم باع
.......... وقهوة
فى يوم قعدت وقلت انا زعلان
فكرت هل كل انسان زعلان
وقفت فراشة وقتها على شباكى
سالتها زعلانة طارت وانا زعلان
........ وقهوة
يا رب تكون عجبتكم
وتحياتى الى كل محبى القهوة
وعاشقيها
واللى بيشربوا شاى يدخلوا برده
مش فارقة ما المنتدى بقى كافيه
دخول 
