السلام عليكم ورحمة الله وبركاته
انا لامن ذكرت اللي مضالـي بالسنيـن وفـات
احس ان الزمن راحت معـه اجمـل مقاديـري
زمان ٍ راح من عمري بكته الدمـع والعبـرات
الا ليته معي يرجـع واجـدد لـه مشاويـري
نزفت الحرف من شانه وجيت اكتب له الابيـات
وانا ادري لو بغيت آصف زمانه خان تعبيري !!
اهيم بماضيـن فايـت عليـه الآه والحسـرات
خذاني واسـرف بحالـي ولافـادت محاذيـري
حاولت اسلى عنه لكن يقول لواقعـي هيهـات
محال ايروح عن بالي مدامـه شـل تفكيـري
غلاه بداخل عروقي تجاوز مـن غـلاه الـذات
مساري ليل للذكرى تلاشت مـع اساطيـري !!
حزين الليل مايذكر سوى المسرى بلا شمعـات
مواعيد الغرام اللي شكاها بالهـوى غيـري !!
دقايق كنها تسـوى حياتـي والعمـر لا جـات
عليها الروح ولهانه تلـوم احـوال تقصيـري
مسافات الدروب اللي مشينا والعيـون اتبـات
على ذاك الوعد جينا ولاقـد مـل تأخيـري !!
مسارينا على الهجعـة ولاحـي ٍ درى بسكـات
اموووت ولانكشف سره مدام السر فـي بيـري
هذاك اللي ملك قلبي وحبـه باقيـن مـا مـات
سكن باقصى الخفوق اللي حفظ له كل تقديـري
على مر ّ الدهر يبقى ولو طالت بنـا الغيبـات
محبتنـا عهـد باقـي ولا تحتـاج تفسيـري
رفعت من الغلا لجله على هـام الوفـا رايـات
أبثبت له مدى حبي وتاصـل لـه تقاريـري !!
شرحت من الالم واقع عناي وقسـوة اللوعـات
ابيه ايروف في حالي مدامه عـاش تصويـري
وانا لامن ذكرت اللـي تعـدا بالسنيـن وفـات
عرفت ان الزمن راحت معـه اجمـل مقاديـري
ممـــــــــــــــا راق لـــــي ..!!
دخول 
