اهلا بكل المبدعين
oOo مقدمة بسيطة oOo
الفوتشوب ما هو الا برنامج بسيط جدا وسهل وجميل لعمل التصميمات الجميلة التي تضيف البهجة والسرور والابداع والاحتراف الى حياتنا
oOo نصيحة صغننه oOo
لو حد مبتدئ مثلا فميتضايقش ومايزهقش
(محدش بيتولد محترف)
رئيس قسم الفوتوشوب نفسه كان بيشوف دروس فوتوشوب (لامؤاخذة يا حج ستورمي)
فكن صبورا جميلا ذات نظرة تفائلية جماليه
oOo النصائح oOo
خد بالك اوي من النصائح دي
وهبتدي بأهمها
1- ما تكبرش حجم تصميمك لأنه بيبقى شكله مش جميل فلازم يكون التصميم حجمة معقول يعني علشان يبقى شكله مقبول
2- لا تعتمد على الانيميشن والحركات كجزء اساسي في تصميماتك لأنها ممكن تبوظلك التصميم ، جايز فريم يبوظ مثلا فيبوظلك التصميم كله وغير كده وكده بيتقل التصميم وبيخلي شكله مش جذاب اوي الا اذا كان في تصميمات الجليتر بيبقى جميل
3- لما تيجي تكتب تكست على التصميم حاول تخلي الـ Bevel/emposs بسيط وهادي وده اذا استخدمتو
4- لما تييجي تعمل استروك (حد) لتكست معين متزودش النمط عن 2px علشان بيبقى شكله رخم بجد
5- حاول انتقاء خطوطك ؛ الخط ده حتى لو التصميم حلو الخطوط ممكن تخليه اسوء تصميم
6- لما تيجي تكتب تكست مثلا بداخل شكل حاول تخلي التكست بسيط وصغير وميخرجش بره الشكل لأنه هيبقى شكله سخيف
7- متحطش ولا Colour Overlay او Pattern overlay او Gradient Overlay بشكل مستمر على التكست لأنه بيشوش مظهرة الجمالي
اما اذا كنت عاوز تحط فياريت يكون بسيط ومتناسق
8- حاول انتقاء الوانك واختيار المتناسقة مع بعضها بس !!! يعني مثلا متجيش على خلفية زرقا تحطلي تصميم احمر مثلا
فحاول استخدام الألوان الساخنه مع بعضها و الألوان البارده مع بعضها
9- لما تيجي تستخدم فرشاه معينه حاول تخلي الألوان متناسقة مع بعضها برضو وتكون الالوان متناسقة مع الخلفية
10- اذا كان فيه تكست تأكد كل التأكيد ان التكست لا يغطيه شئ زي فرشة مثلا او شيب علشان ميضيعش جزء منه
11- حاول ان يكون تصميمك تحفة فنيه فإما بمزيج الاشياء بطريقة جميلة او إما بفصل الاشياء عن بعضها اذا كانت مختلفة النوع
12- لا تنسى استخدام الباترن فهو يعطي لتصميمك لمسه فنيه جمالية
13 - لا تنسى عمل بوردر (حد) لتصميمك فهو جزء رئيسي منه
14 - تصميمك يعبر عن افكارك فاجعل افكارك متناسقة تحظى بتصميم جميل وابداعي
15 - انتقي فرشاتك بعناية وحرص ؛ لأنها تعبر عن 55% من جمال التصميم
16 - لا تكثر من تغميق تصميمك ولا تكثر من تفتيحه بل اجعله وسطاً
17- نقطة مهمة جدا أن التصميم في النهاية يخضع لمقياسين :
مقياس فني : وهو استخدام الادوات والالوان والترتيب والخطوط و . . . . . بشكل صحيح وبالطريقة الصحيحة وهذا هو الواجب والمطلوب من المصمم وهذا يقدره مصمم آخر . .
مقياس جمالي : وهذا يختلف من انسان لآخر فما أراه انا جميل قد يراه غيري قبيح وهكذا . .
وقد تبتلى بمشاهد عديم الذوق الفني يضيع علليك عملك بالتعديل عليه فلا تغضب هذا هو طلبه . . .
18 - حاول بقدر المستطاع حفظ حقوقك على تصميماتك بحيث تكون بطريقة جمالية في نفس الوقت بسيطة
19 - ابداً لا تجاذف وتستخدم صور قليلة الجوده في تصميمك حتى لا يشوشه
20 - اذا كنت تصمم توقيع فاحسن اختيار الريندر فهو الدعامة الرئيسية لتوقيعك
21 - دائما اتطلع على عالم الدروس العربية قبل الأجنبية والملحقات ؛ فهم قلب الفوتوشوب
22 - حاول التجديد في تصميماتك فلا تتعلق او تتقيد بفكره معينه فقط بل حاول التنويع
23 - لا تكثر من استخدام عدد كبير من الفلاتر من نفس الفئة
فمثلا لا تستخدم جميع ما يوجد في فئة الـ Blur
لأنك بعديها هتفاجئ ان مفيش تصميم اصلا
24 - لا تفعل شيئا في التصميم الا اذا كنت واثق ومتأكد منه مئة بامئة
25 - لا تركز شغلك على التصميم في منطقة معينه فقط من التصميم ؛ لأن التصميم كله محتاج لشغلك
26 - وأهم شئ لا تنسى اهم خطوه وهي (تسمية الله قبل بدء التصميم)
دخول 
الأحد 06 يونيو 2010, 3:28 pm
مرورك منور
