اخطاء من وجهه نظرى

سلام عليكم
ازيكم يا شباب
فى حجات كتير انا شيفها غلط ومش عارف حصلت ازاى
اولا الناس
Hosam
Mr-MiDo

الناس دول مصممين فأزاى يبقوا مشرفين فى حين ان المنتدى محتاج مصممين مش مشرفين

ثانيا
شموس
منذ تم وضعها كمشرفه معملتش اى حاجه تخص المشرفين

ثالثا
على اى اساس بتختاروا المصمم انه يكون من كبار المبدعين
على اساس تصاميمه ولا انه بيعمل مشاركات كتير وخلاص
رابعا
شكل اقسام احلى ستايل كان منظم جدا
اما الشكل الحالى فأنا شايفه مش تمام خالص


انا مش عارف يا جماعه انتم وجهه نظركم ايه فى الحجات دى
اعتبرونى لسه جديد وحالوا تحلوا المشاكل دى

بالنسبه لفكرة المشرفين . فبسبب الاقسام الزياده فى ناس مكنتش حلوة فى التصميم زى ميدو فدخلت مشرفين
اما بالنسبه للاقسام وهى نفس مشكله هبه فدة ياجماعه تقسيم اكبر المنتديات العربية .
وهى فكرة فئه رئيسيه بها اقسام داخليه . اما التعود على الشكل القديم فهو بصراحه موضه قديمه اوى من ايام مااحلى استايل بدأ يعنى الدنيا كلها اتغيرت ماعدا احنا ... غريبه!! الفكرة اللى انا عملتها هى انى حولت المنتدى لاقسام زى الفى بى
للتوضيح
http://dvd4arab.maktoob.com

اهلين حسام
بخصوص العضو [b]Hosam

هوة نشيط بالاقسام كلها
+ في التصاميم هو بصمم وبشارك ودايما متواجد
دايما كل مدخل بشوفو مصمم كثير + بضيف مواضيع وردود وبصمم
بخصوص التاتاني ميدو فهو بشارك كان مصمم كان مبدع مش فاكرة

بخصوص شمس مش بشوفها خالص يمكن بتدخل وانا مش موجودة الله واعلم

بخصوص الاقسام هيا بصراحة ضاهرة عندي حلوة
بس قدام شوية ممكن يتفتحو الاقسام ويرجعو ورا بعض لنة تم اضافة اقسام جديدة عشان مايبان المنتدى في فراغ
قدام شوية برجع اكيد

دا ردي بعرفش رايكم واكيد مش حفهم اكثر منكم

مش عارف يا جماعه
بس انا مش مرتاح للشكل الجديد دا
وبعدين شكل المنتدى بأقسامه العاديه بالوصف العباره عن صور كان جميل جدا ومش موجود فى اى منتدى تانى
عموما يا جماعه ياريت نوزع مهام المنتدى علينا علشان كل واحد يعرف يعمل ايه

بالنسبالى للاسف انا هنا لحد العيد بس وبعد العيد مش هاعرف ادخل غير قليل اوى علشان الشغل

والحل
مهو لو فضلنا كده مش هنعمل حاجه

قمر
من فضلك ابعتى رساله للمصمم مايسترو اوف لف قوليله ممنوع نقل طلبات التصاميم لسله المهملات
وانها تتنقل لارشيف طلبات التصميم

جاري ارسال الرسالة
بخصوص الاقسام وتنظيم المنتدى فالي تشوفو لمصلحة المنتدى توكلو علي الله

و عليكم السلام
بالنسبة للمصممين ال بقوا مشرفين فده علشان هم مش كويسين فى التصميم و مش عارفة ازاى بقوا كبار المبدعين
و بالنسبة لمقياس المصمم فطبعا المفروض يكون بتصاميمة الجميلة مش عدد مشاركاتو
و لكن طبعا برضو بقدمة فى المنتدى و عدد تصاميمة
بس المهم تكون حلوة
و بالنسبة لشمس انا رأيى نبعت لها رسالة نشوف هل هى عاوزة تكمل فى المنتدى و لا صرفت نظر
و بالنسبة لرابعا
فانا رأيى نسيب شكل المنتدى كدة لغاية لما نرجع للأستايل القديم و النسخة الاخرى
لأن النسخة دية شكل المنتدى كدة ماشى حالة
بس انا برضو كنت معترضة
و بالنسبة لتوزيع المهام علينا
فانت رأيك ايه الحجات يا حسام ؟
يرات تقولها و نشوف كل واحد اى احسن حاجة معاه

اولا خلاص هنقسم الاعمال بينا
بس لازم اعرف مين هيفضل ومين هيكمل علشان نعرف نقسم نفسنا

ثانيا يا احمد انا بصراحه مش عاجبنى موضوع المجموعه المنفصله الى انت فيها انت وعشتار دى
انا اول ما دخلت ادارى هنا كانت برده عشتار فى مجموعه منفصله وهى المدير العام وانا حماده فى الاداريين
ولغيت الموضوع دا على اعتبار اننا كلنا اداره واحده
فياريت من فضلك تشيل المجموعه دى

ابن الاسلام كتب:اولا خلاص هنقسم الاعمال بينا
بس لازم اعرف مين هيفضل ومين هيكمل علشان نعرف نقسم نفسنا

ثانيا يا احمد انا بصراحه مش عاجبنى موضوع المجموعه المنفصله الى انت فيها انت وعشتار دى
انا اول ما دخلت ادارى هنا كانت برده عشتار فى مجموعه منفصله وهى المدير العام وانا حماده فى الاداريين
ولغيت الموضوع دا على اعتبار اننا كلنا اداره واحده
فياريت من فضلك تشيل المجموعه دى

فكرة المجموعه مش الانفصال ياحسام بل الابتعاد عن الاداره
لان انا وعشتار مش هانكون هنا أغلب الوقت لكن مش فكرة انفصال او تكبر
دة حتى اسم المجموعه نفسه موضح كل حاجه يعنى

صدقنى يا احمد ثلاثه ارباع الاعضاء مش فاهمين اساسا معنى اسم المجموعه
ودا الدليل

MoNSter كتب:

الف الف مبرووووووووووووووووووووووووووووووووووووك

حموده
عقبال لمن تسير من الاولدرز

الاحسن نبقى كلنا مجموعه واحده
ومقولتش رأيك فى التقسيم

OlderS = القدماء
هو بعمنى اصح الفريق القديم او الاستايل القديم لاننا للاسف اغلبنا من تواجد بالدعم منذ البدايه لايعلم شيئا بلوحه التحكم الجديده . أو بمعنى اصح فقدنا لياقتنا فى استخدام لوحة التحكم والمنتدى .
على كل حال سانتظر رد هبه وحماده وقمر وانا موافقين على الغاء المجموعه سالغيها على الفور

بالنسبه للتقسم اية ؟؟
تحياتى لكم

ههههههههههههههه
متقلقش يا احمد انا فاهم معناها كويس
وعشتار فاهمه كويس فى اللوحه الجديده لانها لسه خارجه قريب من الدعم وكانت متابعه الامور الحد وقت قريب

بالنسبه للتقسيم هتبقى موجود معانا علطول علشان تكون فيه ولا زى ما قولت

بالنسبالى للاسف انا هنا لحد العيد بس وبعد العيد مش هاعرف ادخل غير قليل اوى علشان الشغل

وياريت تحط الموضوع دا بأسمك فى اى قسم تشوفه مناسب

السلام عليكم ورحمة الله وبركاته
ياريت يا جماعه كل واحد يدخل على الينك دا
هو لجروب على الفيس بوك جايب جروب مسحى بيسب فى رسولنا ودينا الكريم
https://www.facebook.com/topic.php?uid=138365896997&topic=10683&ref=mf
لو كنت حقا غيورعلى دينك وعلى نبيك
افعل شيئا لكى توقف هذة المهزله
وتقابل الرسول صلى الله عليه وسلم وهو راض عنك
ماعليك سوى ان تضغط على اللينك وتتبع التعليمات )
دى الرساله اللى انا بعتها لكل الموجودين عندى فى الايميل
وانتوا كمان مش اقل منى فى حاجه
ياريت تعملوا كل اللى متكوب
وكمان تبعتوه لكل الى موجودين عندكوا
دى اقل حاجه ممكن نعملها للرسول صلى الله عليه وسلم

وبالتوفيق للجميع

والله الي يقدرني علية ربنا راح اعملة شوفو كيف التقسيم وانا جاهزة لي تقسيم

بالنسبة للمجموعة ال عملها ديجتال فانا شايفة ملهاش لزمة
لو عاوز محدش يبعت لك و يسألك عن المنتدى ممكن تكتب فى بياناتك
و بالنسبة للتقسيم فانا مش عارفة و الله هقدر اكمل و لا لاء
يعنى هشوف بعد دخول المدرسة
بس اكيد يعنى النظام ده مش هيخلينى ادخل النت خالص
ده انا اروح اخنقهم
ههههههههههه

نظام ايه الى تقصديه يا هبه؟
ياريت من فضلك تعملى موضوع فى قسم المراقبين وتطلبى منهم عمل التقارير المعتاده عن المصممين وكبار المصممين والمشرفين والمشرفين العوام
ويبقى افضل لو تقسمى انتم عليهم الموضوع دا علشان نشوف مين هيشتغل ومين لا

انا اقصد نظام ال IGCSE
على العموم مش مهم الموضوع ده
و انا فعلا هحط موضوع للتقرير
و هم عملوا تقارير الأسبوع الماضى
بس انا قلت مفيش لوحة شرف علشان النشاط كان قليل جدااا
و يرات يا حسام تحط لوحة الشرف فى الصفحة الرئسية بلون هذا الاستايل

و ما هى المهام ؟

بالنسبه للمهام فأن شاء الله هتتقسم عليا انا وانتى وقمر وحماده لان تقريبا ديجيتال مش هيقدر يكمل بعد العيد وعشتار منعرفش ظروفها
هنستنى حماده يدخل ويقول رأيه وبعدين نقسم

طيب انا بسألك ايه هى المهام ؟
يعنى زى ايه
فانا قصدى توضح على بال لما حمادة يدخل

يعنى مثلا ممكن نقول ان حماده هو المسؤل عن الرتب والمجموعات والترقيات للفريق
وانا مسؤل عن الشكل العام للمنتدى والاستايلات والاقسام والمنظر العام
وانتى وقمر مسؤلين عن الامور الداخليه فى المنتدى واتخاذ قرارت الى تخص الفريق ومراقبتهم وانتم اكتر ناس هتبقوا موجودين فى اقسام المنتدى ومتابعه الاخطاء وكده بمعنى مسؤلين عن العلاقات الداخليه

اه فهمت يعنى كل واحد يبقى مسؤل عن شىء
بس مش معنى كدة ان انت مثلا مش ترقى حد
و ان انا مثلا اظبط حاجة فى شكل المنتدى
لكن ده يبقى التخصص اكتر علشان كل واحد لما يدخل يبقى عارف هو يعمل ايه
و ايه رأيكم لو نخلى للمراقبين كمان كل واحد يبقى مسؤل عن كان قسم يبقوا دول الأساسى و طبعا يبقى مسؤل ايضا عن الباقى
ايه رأيكم ؟؟

شهد ايه رأيك نقسم الشئون الداخلة لتخصص اكثر... انتى تبقى مسؤلة عن النشاط العام للمنتدى و متابعة الفريق و كدة
و انا برضو هبقى مسؤلة عن متابعة الفريق و المشاكل و طلباتهم و كدة

بس مش معنى كدة ان انت مثلا مش ترقى حد
و ان انا مثلا اظبط حاجة فى شكل المنتدى

ممكن نقترح على بعض ان فلان يستحق الترقيه او الشكل الفلانى لازم يتغير او كده
دا مفهوش مشكله

و ايه رأيكم لو نخلى للمراقبين كمان كل واحد يبقى مسؤل عن كان قسم يبقوا دول الأساسى و طبعا يبقى مسؤل ايضا عن الباقى
ايه رأيكم ؟؟

دا ينفع مع المشرفين انما المراقبين مينفعش
خليهم احسن كده واحنا نبقى نحدد ليهم مهام معينه كل وقت زى التقارير وكده

شهد ايه رأيك نقسم الشئون الداخلة لتخصص اكثر... انتى تبقى مسؤلة عن النشاط العام للمنتدى و متابعة الفريق و كدة
و انا برضو هبقى مسؤلة عن متابعة الفريق و المشاكل و طلباتهم و كدة

دا براحتكم بقى تعملوه مع بعض

اوك
يبقى نستنى رد شهد و حمادة على تقسيم المهام دية
و بالنسبة للمشرفين العام فهم حاليا 2 فقط
و انا عندى ملحوظة " رماد إنسان " كان كبار المبدعين
و حاليا هو بقى مراقب و المراقب دورة مراقبة المنتدى لكن رماد كان مصمم لذلك ما رأيك يبقى رماد المراقب المسؤل عن قسم الطلبات
لأن انا ملاحظة كمان انة من ساعت لما بقى مراقب بقى مش بيصمم هنا فى المنتدى